नेपाल टेलिकमको डाटा प्याकेजसम्बन्धी सेवामा सुधार भएको छ । सञ्चार तथा सूचना प्रविधि मन्त्रालयका अनुसार डाटा प्याकेज सकिएपछि स्वतः मोबाइल ब्यालेन्स काटिने व्यवस्था अन्त्य भएको छ ।
अब ग्राहकको डाटा प्याकेज ९० प्रतिशत खपत भइसकेपछि नै एसएमएस तथा मोबाइल एपमार्फत सूचना पठाइनेछ । त्यसपछि ग्राहकलाई आवश्यकताअनुसार प्याकेज पुनः नवीकरण गर्न अनुरोध गरिने व्यवस्था लागु गरिएको मन्त्रालयले जनाएको छ ।
यसअघि डाटा प्याकेज सकिएलगत्तै स्वतः मुख्य ब्यालेन्सबाट रकम कट्ने गुनासो बढेपछि मन्त्रालयले उक्त व्यवस्था हटाउने निर्णय गरेको हो । नयाँ व्यवस्थाअनुसार ग्राहकले चाहेमा मात्र पास एस यु गो प्रणाली प्रयोग गर्न सक्नेछन् ।
यो प्रणाली प्रयोग गर्न इच्छुक ग्राहकले *444# डायल गरी उक्त सेवा इनेबल वा डिसेबल गर्न सक्ने व्यवस्था मिलाइएको मन्त्रालयले स्पष्ट पारेको छ ।
