पोखरा लेकसाइडको अंशुभरा विल्डिङमा मंगलबार भएको आगलागीमा मृत अवस्थामा भेटिएकी युवती दोलखाकी २७ वर्षीया स्वस्थानी खड्का भएको पुष्टि भएको छ । उनी दोलखा वैतेश्वर गाउँपालिका–८ छेत्रपा फेदीकी हुन् । कामको सिलसिलामा पोखरा आएकी उनको लेकसाइडको अंशुभरा विल्डिङमा मंगलबार भएको आगलागीमा ज्यान गएको हो । प्रदर्शनकारीले आगजनी गरेको घरभित्रजलेको अवस्थामा बुधबार उनको शव बरामद गरिएको कास्की प्रहरीले जनाएको छ ।
उनको शव बुझ्न भिनाजु र भाइ पोखरा आएका छन् । जेनजी आन्दोलनका क्रममा पोखराको नयाँबजारमा पनि जलेको अवस्थामा एक महिलाको ज्यान गएको थियो । देशभरिका २९ अस्पतालमा ३० जनाको मृत्यु र एक हजार ६१ जनाको उपचार भएको छ ।
