नेपाली क्रिकेटले इतिहासमा अर्को ठुलो सफलता पाएको छ । नेपाल लगातार दोस्रो तथा समग्रमा तेस्रो पटक टी २० विश्वकपका लागि छनोट भएको छ ।ओमानमा भइरहेको आईसीसी टी२० विश्वकप एसिया इएपी छनोटमा शीर्ष तीनमा रहने पक्का भएपछि नेपालले अर्को वर्ष छिमेकी भारत र श्रीलंकामा हुने टी२० विश्वकपमा स्थान पक्का गरेको हो ।सन् २०१४ मा पहिलो पटक टी २० विश्वकप खेलेको नेपालले दश वर्षको प्रतिक्षापछि २०२४ मा दोस्रो पटक खेलेको थियो । त्यसपछि भने नेपालले धेरै कुर्न नपर्ने भएको छ ।
सन् २०१४ मा बंगलादेशमा टी२० विश्वकपमा डेब्यु गरेपछि नेपाली क्रिकेटमा क्रान्ति सुरु भएको थियो र त्यसपछि नेपालले लगातार विश्वकप खेल्ने अनुमान गरेसगैं पहिलो पटक विश्वकप खेलेपछि नेपालले दश वर्षपछि मात्र सन् २०२४ मा अमेरिका र वेष्ट इन्डिजमा भएको टी२० विश्वकपमार्फत पुनरागमन गरेको थियो । यस पटक भने नेपाललाई सुरुवात देखि नै भाग्यले साथ दिएको थियो । नेपाली खेलाडी र टिमको मिहिनेत अनि त्यसमा थपिएको आत्मविश्वासमा भाग्यले पनि राम्रो साथ दिएको र मिहिनेत गर्नेलाई मात्र भाग्यले साथ दिन्छ भन्ने भनाई नेपाली क्रिकेट मा उदाहरण बन्न गएको छ ।
