पोखरा / कास्की जिल्ला खेलकुद समितीले प्रधानमन्त्री राहत कोषमा एक लाख रुपैयाँ सहयोग गरेको छ ।
रसुवा बाढी पिडितको सहयोगार्थ सो रकम सहयोग गरेका हुन् । जिल्ला खेलकुद विकास समितिका अध्यक्ष मिलन गुरुङका अनुसार समितिका पदाधिकारी र कर्मचारीको एक वर्षको बैठक भत्ता सहयोग गरिएको हो।
“योबेला सबैले सहयोग गर्न आवश्यक छ। देश अहिले पूर्ण संकटमा छ यति ठूलो प्रलय पछि अवस्था नाजुक छ।” उनले भने “सबैलाई हातेमालो गर्नुहोस्। सानो सहयोगले पनि ठूलो राहत मिल्नेछ।”
