नेपाल प्रिमियर लिग एनपीएल क्रिकेट २०२५ मा आज लुम्बिनी लायन्स र चितवन राइनोजबीच खेल हुँदैछ ।
खेल त्रिवि क्रिकेट रंगशालामा अपरान्ह ४ बजेदेखि सुरु हुनेछ । चितवनले पहिलो खेलमा कर्णाली याक्सलाई हराएको थियो । लुम्बिनीले पहिलो खेल खेल्दै छ ।
चितवनको कप्तानमा कुशल मल्ल छन् भने लुम्बिनीको कप्तानमा राष्ट्रिय टोलीका समेत कप्तान रहेका रोहितकुमार पौडेल छन् । गत संस्करणमा भएको एक खेलमा चितवन राइनोजले बाजी मारेको थियो ।
पहिलो संस्करणमा लिग चरणमा एक खेल मात्र जितेको लुम्बिनी सबैभन्दा पहिले प्रतियोगिताबाट बाहिरिएको थियो । यसपटक फेरिएको लुम्बिनी नतिजा बदल्ने लक्ष्यमा हुनेछ ।
