काठमाडौं : आज (शुक्रबार) देखि नेपाली बजारमा आइफोन-१५ भित्रिएको छ।
गत भदौमा अन्तर्राष्ट्रिय बजारमा सार्वजनिक आइफोन-१५ सिरिजको विभिन्न मोडल नेपाली बजारमा पनि उपलब्ध हुने भएको हो।
नेपाली बजारमा आइफोनको उत्पादन भित्र्याउने जेनेरेसन नेक्स्टका अनुसार, नेपालमा आइफोन-१५ को विभिन्न १३ मोडल खरिद गर्न सकिनेछ।
एप्पलले विभिन्न स्टोरेज क्षमतामा आइफोन-१५ को आइफोन १५, आइफोन १५ प्लस, आइफोन १५ प्रो र आइफोन १५ प्रो म्याक्स सार्वजनिक गरेको थियो।
आइफोन १५ को कुनै पनि मोडल हिमालयन बैंक, ग्लोबल आइएमई बैंक र इन्भेस्टमेन्ट मेगा बैंकबाट शून्य डाउनपेमेन्टमा खरिद गर्न सकिन्छ। ब्याजदर भने बैंकले तोकेअनुसार हुने बताइएको छ।
